મોદી સરકાર બનાવા જઈ રહી છે એશિયાની સૌથી લાંબી ટનલ, 3.5 કલાકનો રસ્તો પૂરો થશે માત્ર 15 મિનિટમાં


ઝોજીલા ટનલનું અટકેલું બાંધકામ ફરી શરૂ થયું છે. આ ટનલ એશિયાની સૌથી લાંબી ટનલ હશે. આ ટનલની મદદથી તમામ ૠતુમાં શ્રીનગર, દ્રાસ, કારગિલ અને લેહ ક્ષેત્રની કનેક્ટિવિટી જળવાઈ રહેશે. હકીકતમાં, ઠંડા વાતાવરણમાં બરફવર્ષાને કારણે શ્રીનગર, દ્રાસ, કારગિલ અને લેહ વિસ્તારોમાં વાહનવ્યવહાર બંધ થઈ જાય છે. પરંતુ 14.5 કિમી લાંબી જોજિલા ટનલ આ સમસ્યાને દૂર કરશે.

આ પ્રોજેક્ટ અંતર્ગત, 14.15 કિલોમીટર લાંબી ટનલ ઉપરાંત, 18.63 કિમી લાંબો અભિગમ માર્ગ પણ બનાવવામાં આવશે. આ રીતે આખા પ્રોજેક્ટમાં 32.78 કિ.મી. લાંબો રસ્તો બનાવવામાં આવશે. આ રસ્તા પર, આવા હિમપ્રપાત સંરક્ષણ માળખાં બનાવવામાં આવશે જે બે ટનલ વચ્ચે ઓલ-વેધર કનેક્ટિવિટી પ્રદાન કરશે. આ ટનલ સૈન્ય તેમજ સામાન્ય લોકો માટે ખુલી રહશે. આ ટનલની મદદથી, કાશ્મીરની લદ્દાખથી કનેક્ટિવિટી તમામ ૠતુમાં જાળવવામાં આવશે.


વચમાં કામ અટકી ગયું

આ ટનલ બનાવવાનું ટેન્ડર આઈએલ એન્ડ એફએસને આપવામાં આવ્યું હતું. પરંતુ આઈએલ એન્ડ એફએસ નાદારી જાહેર કરી દીધી. જેના કારણે ટનલિંગનું કામ પૂર્ણ થઈ શક્યું નહિ. આ ટનલનો પાયો મે 2018 માં જ નાખ્યો હતો. હવે આ ટેન્ડર હૈદરાબાદની મેઘા એન્જિનિયરિંગને 4,509.5 કરોડ રૂપિયામાં આપવામાં આવ્યું છે. જે બાદ ફરી ટનલ બનાવવાનું કામ શરૂ કરાયું છે.

સરકારના જણાવ્યા મુજબ, આ સમગ્ર પ્રોજેક્ટની અંદાજીત કિંમત 6,808.63 કરોડ રૂપિયા છે. આ ટનલ જોજિલા પાસની નીચે લગભગ 3,000 મીટરની ઉંચાઇ પર આ ટનલ બનાવવામાં આવશે. તેનું સ્થાન એનએચ -1 એટલે કે શ્રીનગર-લેહમાં રહેશે. આ ટનલ બન્યા પછી શ્રીનગર, દ્રાસ, કારગિલ અને લેહના વિસ્તારો તમામ ૠતુમાં જોડવામાં આવશે. આ ટનલના નિર્માણ સાથે સિયાચીનમાં તૈનાત સૈનિકોની માલસામાન સરળતાથી મળી શકશે.


ટનલની લાક્ષણિકતાઓ

  • આ ટનલની મદદથી રાષ્ટ્રીય ધોરી માર્ગ વન પર શ્રીનગરથી લેહ વચ્ચેની સફર પણ બરફવર્ષા દરમિયાન થઈ શકે છે.
  • ટનલની અંદર દર 750 મીટરની અંદર રસ્તાની બંને બાજુ ઇમરજન્સી લે-બાય રહેશે.
  • સંપૂર્ણ ટનલમાં સ્વચાલિત ફાયર ડિટેક્શન સિસ્ટમ હશે.
  • આ ટનલમાં મેન્યુઅલ ફાયર એલાર્મ બટન પણ હશે.
  • દરેક ડ્રાઇવર પાસે પોર્ટેબલ અગ્નિશામક સાધન હોવું આવશ્યક છે.
  • ટનલમાં સીસીટીવી કેમેરા લગાવવામાં આવશે.
  • જે અંતર કાપવામાં સાડા ત્રણ કલાકનો સમય લાગે છે. તે અંતર ટનલ બન્યા પછી માત્ર 15 મિનિટમાં પૂર્ણ થશે.

Post a comment

0 Comments